Moin mitnander,

einmal in de Maand koomen an de frauge Avend Börkumers und verenkelt uk Badegasten in’t Toornhuus tau ein Koppke Tee binander.Inladen deiht datt Plattdütsklöttje um Gerdrud Akkermann-Burmeister, Theda Akkermann, Jan Schneeberg und Helpers.

Dej Idee hiertau is tau verseuken unse moije Sprake tau erhollen und wieder tau geven.
Olde Worden, dej in unse moderne Tied nei mehr so faak in’t Gebruuk bin, sulln för’t Vergeeten bewahrt waren. Da bin uk Lü geern geseihn, dej hör Platt noch ein bitje verbeetern wullen.

Elke Avend hett ein Thema, mal geiht datt um olde Traditionen und Beleevsels off um besündere Tieden als dej Iswinters. Besünders moij bin dej Vertells van Börkumers um over ein bestimmt Thema tau proten.
Wi hebben düchdeg lacht over Jagdgeschichten off overt Schwienschlachten, man bin uk völ over dat Oostland gewahr waarden.

Dej Avenden bin so gaud ankoomen, datt’t langsam knapp ward mit de Staulen und grooter waard unse Kamer leider uk neij. Tee und Kopkkes hebben wi genug, daran sall’t neij liggen.

Dej nächste Avend is an de 17. Januar, als elket Mal um söven Ühr.

Up Böskupp gahn mit de Plattprooters

Koomende Dingsdag, dat is de 17. Januar 2017, koomen de Börkumer Plattprooters weer in’t Toornhuus in de Karkstrate binander. Seej willn akkedeiern over Börkumer Kooplü. T’gaff ein heile Büllte lüttje Kluntjeladens, dej d’r all lang neit mehr bin. De Bewahrer van’t old Gaud bi de Heimatverein bin over elke Bild dankbar, uk over Dokumenten, dej over dat Leven van disse Lü vertellen könen. Verskeiden wassen vörtied Fahrenslü un bin na de Hochtied an Land bleven un hebben ein lüttje Winkel open makt. Daarover will wi uk vertellen. Laat jau neit lang neugen, kiek man evkes binnen koomende Dingsdag um 19 Ühr. Tee un Kaukjes wachten up jau.

Weest hartlek willkoomen!